Перез ја пренесе подршката од клубот до тренерот Рафа Бенитез

Претседателот на Реал Мадрид, Флорентино Перез по дебаклот кој го доживеа неговиот тим во „Ел Класико“ на „Сантијаго Бернабеу“ од 0-4, вчера одржа прес-конференција во просториите на клубот.
Кога сите очекуваа дека можеби ќе сака да го соопшти отказот на тренерот Рафа Бенитез, кој не е омилен во соблекувалната ниту кај фановите на „кралскиот“ клуб, тој му укажа огромна подршка.

Навивачите на Реал Мадрид уште по самата смена на Карло Анчелоти минатата сезона и назначувањето на Шпанецот во нов тренер на тимот, не се согласија со одлуката на Перез, но претседателот Флорентино и по катастрофата против Барселона очигледно премногу верува во Бенитез.

– Добровечер. Сакам на сите да ви кажам дека Рафаел Бенитез ја има комплетната поддршка од тимот. Тој беше ангажиран поради големото искуство и сигурни сме дека ќе го извлече максимумот од тимот – со овие зборови ја започна прес-конферецијата, Флорентино Перез

По дебаклот против Барселона, навивачите на Реал Мадрид силно го исвиркаа Перез на „Сантијаго Бернабеу“, а големиот број на бели шамивчиња кои осамнаа по последниот судиски свиреж доволно говорат за нивното мислење за Рафаел Бенитез, но ќе мора да се помират со фактот дека Рафа и понатаму ќе седи на клупата на Реал Мадрид.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.