Мафијата се закани: Ако терористите планираат напад на Њујорк ќе имаат работа со нас (фото)

Мафијата е во далеку подобра положба да ги заштити жителите на Њујорк од терористите на Исламската држава од што се ФБИ или Домашната безбедност, тврди Џовани Гамбино, синот на шефот на мафијашкото семејство.

Џовани Гамбино, синот на лидерот на сицилијанското мафијашко семејство кое оперира во во Њујорк, им испрати порака на терористите на Исламска држава:

-Ако планирате каков било каков напад на Њујорк, ќе морате да се соочите со сицилијанската мафија.

Џовани Гамбино

Озлогласениот гангстерски синдикат тврди дека сака да го „одработи својот дел од работата за заштита на локалното население“.

-Мафијата е во далеку подобра положба за да ги заштите жителите на Њујорк од што е способна која било државна агенција како што се ФБИ или Национална безбедност – тврди Џовани Гамбино и додава:„Тие често дејствуваат предоцна или не ја гледаат целата слика затоа што се потпираат на тоа што го гледаат и на тоа колку им дава човечката интелигенција – изјавил во интервју за „Ен-Би-Си“.

-Нашата техника во соработка со локалното население ни дава предност која е далеку подобра и во споредба со најновите технологии на надгледување – рекол Гамбино, кој се обидува да изгради кариера на холивудски сценарист.

-По нападот на Париз, заштитата  е поважна од кога било. Светот денес е опасно место за живеење, но луѓето кои живеат во Њујорк во близина на Сицилијанците, треба да се чувствуваат безбедно. Исламската држава се плаши од сицилијанската мафија. Тоа е главната причина зошто никогаш не се обиделе да направат своја ќелија на Сицилијa- изјавил Гамбино.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.