Украден автомобил БМВ со белгиски регистерски таблички денеска ја алармира полицијата во центарот на Лондон.
Во полициската акција уапсени се тројца мажи, а делот од градот каде се одвиваше акцијата беше целосно блокиран. Сообраќајот во тој дел од градот е нормализиран.
Во акцијата учествуваа и полициски хеликоптер, амбулантно и противпожарно возило.
Портпаролот на лондонската полиција изјави дека улиците биле блокирани бидејќи сомнителното возило било запрено на крстосница.
Полициската акција во Лондон уследи откако денеска Брисел е речиси целосно блокиран поради терористички закани. Во главниот град на Белгија во сила е највисоко ниво на опасност од терористички напади, една недела по терористичките напади во Париз, каде загинаа 130 луѓе.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
