Одбележување на Светскиот ден на филозофијата

Светскиот ден на филозофијата, востановен од УНЕСКО во 2002 година, Институтот за филозофија при Филозофскиот факултет и Филозофското друштво на Македонија ќе го одбележат со пригодни дводневни активности на 1

Првиот ден (четврток) ќе се одржи промоција на новиот број на списанието „Филозофска трибина“, а негов промотор ќе биде доц. д-р Милан Ѓорѓевиќ.

Потоа Филозофското друштво на Македонија ќе додели благодарници и прогласи за почесни членови истакнати поединци кои во изминатиот период придонеле за развојот на филозофската култура кај нас. Подоцна, со пригодна реч на Љубомир Гајдов и д-р Марти Поповски, како и прикажување на документарниот филм „Три животи“ ќе се одбележат 90-години од животот на академик Јордан Поп-Јорданов.

Програмата за овој ден ќе заврши со пригодна реч на проф. д-р Иван Џепароски и прикажување на документарниот филм „Георги Старделов“ со што ќе се одбележат 85-години од животот на академик Георги Старделов.

Вториот ден (петок) ќе биде целосно посветен на симпозиумот на тема: „Филозофијата и политика“. Во три сесии со издвоен простор за соодветни дискусии на симпозиумот ќе земат учество: академик Георги Старделов, академик Владо Камбовски, проф. д-р Ферид Мухиќ, проф. д-р Јованка Кепеска, Љубомир Гајдов, проф. д-р Весна Томовска, доц. д-р Бошко Караџов, доц. д-р Милан Ѓорѓевиќ, доц. д-р Јордан Шишовски, доц. д-р Трајче Стојанов, д-р Марија Тодороска, доц. д-р Вангел Ноневски, м-р Душица Ѓокиќ и Лазар Гогов.

Сите настани ќе се одржат во Свечената сала на Филозофскиот факултет.

9 и 20 ноември…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.