Немири во Приштина: Солзавец во парламентот, судир на улиците (фото)

Вонредното заседание на косовскиот парламент, кое е прекинато веднаш по почетокот поради активирање на солзавец и употреба на бибер спреј, продолжило по неколку минути во помошна сала, додека пред парламентот полицијата се судрила со демонстрантите, јави приштинската „Коха.нет“.

Опозицискиот пратеник Аљбин Курти рекол дека прскал со спреј во правец кон премиерот Иса Мустафа и кон владата поради договорот за формирање Заедница на српски општини, пренесува „Коха.нет“

– Прскав со бибер-спреј кон премиерот и кон владата поради тоа што ја формираа Заедницата – изјавил Курти за „Ројтерс“.

– Но, полицијата беше на погрешно месо – додал тој.

Пред косовскиот парламент дошло до судир на полицијата и демонстрантите кои на полицијата фрлиле црвена боја, на што таа одговорила со солзавец.

Припадници на опозицијата претходно со солзавец ја прекинаа седницата на собранието на која требаше да биде разгледан нацрт-законот за Буџетот за 2016 година.

– Претседателството на Собранието на Косово одлучи, откако опозицијата повторно фрли солзавец во парламентот, да ја одржи седницата во алтернативен простор – рекол за агенцијата „Бета“ член на претседателството, Славко Симиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.