Идентификувани уште двајца од напаѓачите во Париз

Париското Јавно обвинителство денеска соопшти дека се идентификувани уште двајца од напаѓачите-самоубијци, кои учествувале во терористичките напади во Париз во ноќта меѓу петокот и саботата.

Како што јави дописникот на МИА од Париз, за едниот од нив била издадена меѓународна потерница за апсење, затоа што не ја почитувал судската контрола во 2013 година. Тој е роден во 1987 во Париз и во октомври 2012 е обвинет за здружување во злосторничка група поврзана со тероризмот. Тој учествувал во нападот во концертната сала Батаклан.

Другиот идентификуван терорист е напаѓач од Стад де Франс.

Со новните идентификации, досега е утврден идентитетот на пет од седумтемина напаѓачи.

Тројца членови на семејството на еден од терористите кои ушествувал во нападот во Батаклан, се притворени изутринава.

Јавното обвинителство исто така соопшти дека постои совпаѓање меѓу отпечатоците на прстите на напаѓачот од Стад де Франс, со лице чии отпечатоците биле направени при контролата во Грција во октомври. Сепак, не е утврдено дали неговиот сириски пасош пронајден на местото на нападот е фалсификуван или е со лажни податоци.

Во акцијата на полицијата во текот на ноќта и рано изутринава спроведена во повеќе квартови во Лил, Стразбур, Лион, Гренобл, Марсеј или Тулуз, извршени се вкупно 60 претреси и запленети 15 пиштоли, осум пушки, еден рачен ракетен фрла, детонатори, рачни бомби и заштитни елеци.

Слични вакви операции се спроведуваат и во парискиот регион, а националната жандармерија спроведува акции и на остатокот од француската територија во потрага по можни терористи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.