Исламските терористи директно и се заканија на БиХ: Ви нема помош ниту спас!

На босанско херцегвоачки портал „Вјест умета“ денес е објавена заканата дека на Босна и Херцеговина, но и на западниот свет му следи  одмаздата на исламските терористи полоша од онаа која му се случи на Париз.

-Користиме прилика да им се обратиме  и на (не) сигурни агенции во Босна и Херцеговина. Еј вие будали низаедни, ој вие телиња, па ниту толкава Франција ниту Америка со нивните (не) сигурни агенции не можат  и не ги запреа нападите на нашите војници, робовите на Алах муџахедини  врз вас и вашите држави, па како вие со своите едни (не) сигурни агенции тоа ќе го сторите? Па и птиците на гранките ви се смеат, што би кажал нашиот народ. На вас ви следи одмазда уште полоша од оваа и уште погорчлива – се наведува во известувањето на овој портал.

Нарекувајќи ги безбедносните агенции во БиХ „будали“ овој портал наведе дека „Босна е прекриена со крвта на муаџахедините кои се бореа да воспостават шеријат“.

-Неверниците мислеа и се уште мислат дека ако ги затворат патиштата  и границите ќе  го отежнат движењето на муслиманите. Се излажаа, тие само со тоа си се фрлија во ендек. Ги налутија муслиманите  и направија  нивните држави да  станат воени зони во кои никој од страв нема да смее да се движи – се наведува во порталот.

-Знајте дека ниту помош ниту спас за вас нема- пренесе порталот.

Министерот за безбедност на БиХ Драган Мектиќ вчера изјави дека овој портал е „баниран“ и дека е инсистира надлежните институции сериозно да го  разгледаат  информирањето до овој исламистички портал.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.