Комитетот за спречување на измачувања и нечовечко однесување и казна при Советот на Европа објави извештај за Бугарија. Во документот се повикуваат бугарските власти да преземат мерки „на највисоко политичко ниво“, за да нема толеранција кон насилството врз лица во притвори и затвори во земјата, јави БТА.
Бугарските власти се повикуваат да направат се што е неопходно настраданите од насилството во полицијата или затворите да бидат прегледани од лекар, и податоците за нивните повреди да бидат запишувани, како и да биде истражен секој случај на насилство.
Се наведува дека извештајот се заснова на утврдените податоци и околности од посетата на делегација на Комитетот од почетокот на оваа година на Бугарија.
Се додава дека од 1995 година досега претставници на Комитетот ја посетиле Бугарија девет пати, и давале препораки кои досега останувале неисполнети.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
