Во кутија за чевли пронашол повик за помош, кој го потресе светот (фото)

Корисник на „Реддит“ објавил порака што ја пронашол во кутија за чевли, а кога ја прочитал содржината бил разочаран.

Чевли изработени во Етиопија биле спакувани заедно со порака.

-Жедни сме и премногу работиме. Тие нè набљудуваат. Помогнете ни – пишувало на хартијата што момчето ја пронашло заедно со чевлите. На пораката бил нацртан човек што седи и работи.

Фотографијата предизвика бурни реакции, но ова не е првата порака за помош што е пронајдена во кутијата на комерцијалниот производ.

Жителите на западните земји веќе наоѓале и пријавувале слични пораки за производи што се изработувани во Кина, како што се шпекулира во „работни логори“.

Сектор за човечки права коментираше дека е свесен за ваквите пораки, но дека не може да стори ништо за истото прашање.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.