Времето претпладне во Македонија ќе биде сончево со слаб до умерен северен ветер. Попладне во северните делови ќе има умерено наоблачување, а долж Повардарјето поизразен северен ветер.
Утринската температура ќе се движи од минус три до пет, а дневната од 15 до 22 степени.
Во Скопје слично време, претпладне сончево, а попладне со мала до умерена облачност, преку денот со слаб до умерен северен ветер. Утринската температура ќе се спушти до еден, а дневната ќе искачи до 18 степени.
Продолжува период на стабилно, суво и претежно сончево време. Преодно наоблачување поизразено во северните делови од земјата ќе има во текот на денешнот ден. Ќе дува слаб до умерен ветер од северен правец поизразен денска и во вторник. Ова ќе биде причина за благ пораст и одржување на повисоки утрински температури.
Од понеделник, под влијание на потопла воздушна маса во пораст ќе бидат и дневните температури.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
