Канцерогено месо, како да го препознаете?

Сега кога и Светската здравствена организација потврди дека одредени месни производи се канцерогени, добро е да знаеме и како да ги избегнеме. Во продолжение следуваат неколку корисни совети од доктори по ветеринарна медицина, според кои можете да донесете поинформирана одлука за тоа што да купите, а што не.

Трајни и полутрајни месни производи

Од најголемо значење е декларацијата. Најдобрата причина да не купите колбаси, виршли или салами е ако на декларацијата стои ознака МСМ. Тоа значи дека месото е машински сепарирано, сомелено заедно со коските, кои пак се главната состојка во која се депонирани сите антибиотици, хормони, тешки метали и останати отрови кои животното ги изело во текот на животот.

Истото важи и кога на декларацијата ќе пронајдете емулгатори нитрити, обележани со E249, E250, E251 i E252. Штетни се затоа што со аминокиселините од месото создаваат канцерогено соединение – нитрозамин. Уште една причина да го избегнете производот е ако на декларацијата воочите полифосфати, обележани со E451, E452 i E453 – според експертите, тие се генотоксични т.е. ги оштетуваат гените.

Особено е важно да ги избегнувате производите што содржат Е407 т.е. карагенан. Е407 се лепи за ѕидовите на цревата и создава ранички кои имаат ризик да се претворат во рак на дебелото црево.

Дополнително, проверете дали производот содржи одредени подобрувачи на вкусот, како глутаминат. Неговото присуство обично е доказ дека во содржината нема месо.

Како и да е, избегнувајте децата да ги храните со преработени месни производи, особено не со паштети и со виршли. Во краен случај, со малку труд, паштета можете да направите и сами.

Свежо месо

Кога купувате месо, на пример, свински шницли, внимавајте дали месото е прошарано со масни жилички. Ако е, тие животни и не биле така лошо хранети. Но, ако нема ни грам бела маснотија, а од месото истекува водичка, доказ е дека на животните им биле давани хормони за раст и антибиотици.

При подготвувањето на месото, треба да внимавате да не загори. Во загорената маса се појавува соединение диоксин, кое исто така е канцерогено. Најдобро е да го варите, да го печете завиено во фолија во рерна или тефлон, во масло, а може и на скара. При последниов случај, водете сметка да го ставите месото на решетката откако јагленот ќе престане да чади и кога ќе се создаде јак жар.