Бекам како акциски херој во боксерки и влечки

Дејвид Бекам се претоври во акциски херој во новата кампања за долна облека на познатата марка „Ејџ анд Ем“. Видеото за новата кампања го снимаше Гај Ричи. Во видето англискиот фудбалер и модната икона Бекам, трча по улиците на Беверли Хилс облечен само во боксерки и влечки.

– Дејвид беше одличен. За мене, тоа не беше снимање на кампања, тоа беше како да режирам краток филм – изјави Ричи.

Видеото треба да биде премиерно прикажано на 6 февруари, за кога е закажана промоцијата на новата колекција на долна облека, токму навреме пред празникот на вљубените – Свети Валентин.

– Да се работи со Гај е одлично искуство. Се надевам дека сите се забавуваа додека го правевме ова кратко видео – изјави Бекам.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.