Јункер и Фајман согласни: Во Европа нема место за огради

Претседателот на Европската комисија Жан-Клод Јункер и австрискиот канцелар Вернер Фајман денеска имаа телефонски разговор, при што оценија дека „во Европа нема место за огради“, изјави вечерва портпаролката на Еврокомисијата, Наташа Берто.

Таа нагласи дека Јункер и Фајман се согласиле дека за избегнување на трагедија со бегалската криза потребно е да се имплементираат одлуките утврдени на мини-самитот што во неделата се одржа во Брисел.

Телефонскиот разговор меѓу Јункер и Фајман уследи по денешната најава на австриската министерка за внатрешни работи Јохана Микл-Лајтнер дека Австрија ќе подигне ограда на границата кон Словенија.

– Се работи за обезбедување на уредно и контролирано влегување во нашата земја, а не за затворање на границата, изјави Микл-Лајтнер, працизирајќи дека станува збор за изградба на ограда во должина од неколку километри околу греничниот премин Шпилфилд.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.