Поранешниот премиер и лидер на СДСМ Владо Бучковски и Димитар Бузлевски, поранешен член на СДСМ сметаат дека парламентот е единственото место за решавање на сите политички прашања.
– Социјалдемократите во изминатиот период градеа имиџ дека се партија која во преден план ги става државните интереси. Повеќе не сметам дека е така. Мора со сериозност да се примаат пораките од меѓународната заедница, кои говорат дека се наоѓаме во исклучително важен момент и кога е можно приближување на ставовите во 15-годишниот проблем за името – вели Бучковски за Дневник.
Веќе исклучените функционери од СДСМ не очекуваат набргу опозицијата да се откаже од идејата за бојкот на локалните избори.
И двајцата според пишуањата на весникот, решението го гледаат само во седнување на иста маса со ВМРО-ДПМНЕ и во преговарање за барањата на опозицијата.
Бузлевски вели дека не може во период кога се с` пореални евроинтеграциите на Македонија, најголемата опозициска партија да ги решава проблемите од улица и да го врти вниманието на меѓународната заедница во погрешна насока.
– Со последните случувања вниманието на Европската унија се врти кон улицата, а не кон клучните прашања за државата – вели Бузлевски во изјава за Дневник.
Тој додава дека опозицијата не смее ниту да помисли со ваков чекор да ја преземе власта.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
