Група бегалци одбила да излезе од автобус кој ги транспортирал во Шведска, тврдејќи дека селото во кое ги довеле е изолирано и дека во него е премногу ладно.
Околу 60 бегалци од Сирија и од Ирак во неделата вечер стигнале во местото Ломедсфорсен во близина на границата со Норвешка, каде што требало да бидат сместени во дрвени куќи додека не биде разгледано нивното барање за азил.
Но, најмалку третина од нив одбиле да се симнат од автобусот кога сфатиле дека се наоѓаат во шума, на десет километри оддалеченост од најблискиот град. Тие барале да ги префрлат во голем град, или во Германија.
Шведската агенција за бегалци соопштила дека тоа сместување е најдоброто што можат да го обезбедат затоа што таа земја досега прифатила премногу емигранти – околу 10.000 неделно.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
