Драма над аеродромот во Јоханесбург во авион на „Бритиш ервејс“ (ФOTO)

Авион на „Бритиш ервејс“ остана без тркало кратко пред слетувањето на аеродромот во Јоханесбург. Благодарение на присебноста на пилотот, авионот сепак успеал да слета и никој од патниците и од членовите на екипажот не бил повреден.

Вистинската драма започнала кога при слетувањето авионот силно удрил на земјата, па се скршило едно од крилата.

Авионот со 94 патници летал од Порт Елизабет до Јоханесбург, а неколку секунди пред да слета пилотот им пренел страшна порака на патниците

– Останавме без едно тркало – јавил тој.

– Сè се случи брзо. Се слушна силен удар и потоа почна авионот да се тресе. Тркалото падна, а авионот сосема се накоси. Видов како летаат искри кога тркалото го допре дното. Потоа сфатив дека крилото на авионот пукнало – изјавил еден од патниците.

– Потврдуваме дека никој не е повреден. Патниците се во зградата на аеродромот и сите служби им се на располагање. Инцидентот се случил по проблем со тркалата при слетувањето – соопштиле од авионската компанија.

Во моментот на инцидентот во авионот имало 94 патници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.