Набавката на украдени или фалсификувани пасоши на т.н. “dark net“ (мрежа на интернет на кој се наоѓаат недозволени страници), не е тешко да се најде , но исто така не е ниту евтино да се купи. Се тоа чини и пари и време и овие лажњаци можат да чинат до неколку иладји долари, во зависност од тоа каде со тој пасош може да се патува со или без виза. Најскапиот пасош на црниот пазар на интернет, не е и најмоќен. Американскиот портал “Вокатив“ ги анализираше цените на фалсификуваните и украдени пасоши, кои се продаваат на 13 страници на “dark net“.
Тие дошле до заклучок дека најскап е данскиот пасош и тој чини 4.017 долари. Данските патни документи, сепак, не се најкорисните и се рангирани на четвртото место во индексот на пасоши (база на податоци врз основа на бројот на земји кои лицата што ги поседуваат, може да ги посетат без виза).
Овој индекс ги рангира американскиот и канадскиот пасош како најдобро рангирани, бидејќи со нив можете да посетите 147 земји без виза. Највисоката цена за американски пасош е 2.057 долари, што го става на 13 место, додека пак, лажен или украден британски пасош е петти најскап со максимална цена од 3.490 долари.
Постојат различни причини зошто помалку “моќните” патни документи се повредни на црниот пазар, но експертите сметаат дека можеби тоа има врска со потешкотиите при фалсификување на “сложените“ пасоши и нивната достапнот.
Тајланд се издвојува како една од водечките земји која обезбедува украдени или фалсификувани пасоши, а кражбата на патни исправи во оваа држава се смета како “вообичаена појава“, пишува Гардијан.
Ова се најскапите пасоши на црниот пазар:
Данска – 4,017 долари
Белгија – 3,637 долари
Холандија – 3,637 долари
Обединето Кралство – 3,490 долари
Франција – 3,490 долари
Шпанија – 3,490 долари
Русија – 3,013 долари
Литванија – 2,964 долари
Австралија – 2,677 долари
Канада – 2,677 долари
Германија – 2,677 долари
САД – 2,057 долари
Финска – 1,981 долари
Норвешка – 1,850 долари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
