Проект „Со уметноста и занаетот против пороците на 21 век” на копаничарите од Неготино

Во чест на јубилејот 10 години постоење на Здружението „Стари занаети“ од Неготино, копаничарите од овој град започнаа да спроведуваат проект со наслов „Со уметноста и занаетот против пороците на 21 век“.

– Во проектот се вклучени 20 учесници, млади, невработени и други заинтересирани лица кои имаат афинитет кон уметноста и кон копаничарството, како и шест обучувачи. Обуката е бесплатна, а целта е да се научи копаничарството како традиционална уметничка обработка на дрво која претставува богато културно уметничко наследство на Република Македонија и општина Неготино – информираше Љиљана Василева од Здружението „Стари занаети“.

Таа нагласи дека проектот е една од многубројните активности кои ги има здружението на копаничарите од овој град.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.