МВР негира дека Кочани е под полициска опсада

МВР ги отфрли тврдењата на неколку медиуми дека Кочани е под полициска опсада и дека во градот се одвива акција Детонатор 2, поради што ситуацијата била тензична.

Од полицијата велат дека вчера во Кочани е приведен 50 годишен маж, затоа што наводно упатил серoзни закани по живот кон неколку негови сограѓани доколку не гласаат за политичката опција која тој ја застапувал. При претрес на приведениот и неговото возило биле пронајдени еден нож и безбол палка.

Државната изборна комисија соопшти дека мал прекин во гласањето се случил на пет избирачки места во Кочани, но по остранувањето на причините за прекинот гласањето е продолжено. Според МОСТ причините за прекин на неколку избирачки места во Кочани е тоа што недостасувале листови од извадокот од избирачкиот список во кои се впишани 90 гласачи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.