Ова се неколку совети за тоа што им се допаѓа на мажите…
Секако, сите жени изгледаат добро кога ќе се средат, но време е малку да ја намалиш количината на кармин, пудра и маскара, бидејќи се чини дека мажите преферираат природен изглед. Всушност, тие не сакаат лажни додатоци. Изгледај секси онака како што само ти можеш: мирисај убаво, косата нека ти биде чиста, нашминкај се невпечатливо.
Стави му до знаење дека ќе разбереш ако една вечер не може да дојде кај тебе или не можете да се видите. Немој да му ѕвониш секогаш кога ќе задоцни, кажи му дека разбираш кога е уморен поради работата… Тој ќе ти возврати со иста мера.
Покажи разбирање за неговите пријатели. Дозволи си себе си да се опуштиш со нивните приказни и активности, но задолжително однесувај се како вистинска дама за да бидеш сигурна дека така ќе те третираат.
Во ред е да флертуваш со неговите пријатели, но не претерувај! Не е поентата некого да направиш љубоморен или да создадеш проблеми меѓу пријателите. Сите треба да знаат дека ти си „резервирана“ само за еден маж.
Доколку имаш став во врска со некоја тема, немој да се плашиш да го изнесеш. Од друга страна, не е во ред да бидеш „сезнајко“. Исто така, биди подготвена да ги сослушаш другите, пред се` својот маж и на крајот, ако е така, да се сложите дека не се согласувате баш околу се`.
Ако тој те изведе на вечера, нема причина да не ја прекршиш диетата – повеќето мажи ја ценат жената која ужива во храната. Истото се однесува и на алкохолот – може да биде забавно кога малку ќе ве „фати“, но само малку. Пијаните девојки не се секси. На крајот од краиштата, сакаш наредниот ден да се сеќаваш дека добро си поминала.
Зборувањето за сексот може да биде добро речиси колку и самиот чин. Немој да се срамиш да покажеш дека го сакаш сексот, дека знаеш што сакаш. Не заборавај да му кажеш дека си мислела на него додека си се туширала, или испрати му „безобразна“ СМС порака кога најмалку очекува.
Смодовербата може да биде вистински афродизијак, па кога жената ќе го превземе „кормилото“ во кревет, тоа може да биде исполнување на сонот од мажот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
