Московскиот окружен суд денеска издаде налози за апсење на три лица осомничени за планирање терористички напади во јавниот градски превоз во Москва, соопштија руски безбедносни извори.
Како што јави ТАСС, во врска со планирање на ова дело се приведени 12 лица, но само три од нив – Мохамед Межидов, Елман Ашаев и Аслан Бајсултанов се официјално осомничени за подготовка на нападите.
Покрај за „подготовка на терористички акт“, тројцата се осомничен и за шверц на оружје и за поседување на незаконски произведени експлозивни направи.
Засега против осомничените не се покренати официјални обвиненија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
