Активна помош од Црвен крст за мигрантите во Македонија

Во периодот од 5 до 12 октомври Црвен крст на Рeпублика Македонија за потребите на мигрантите на граничните премини Табановце и Гевгелија дистрибуираше 24.965 шишиња вода за пиење, 697 пакети со прехрамбени продукти, 129 пакети со хигиенски средства, 175 парчиња пелени за бебиња, 56 пакети за бебиња, 116 кутии млеко за бебиња, 2 580 ќебиња, 236 кутии со бисквити, 72 кутии со двопек, 136 чоколадно млеко, на 7.815 лица им беше укажана прва помош и 19 лица се траспортирани до болница, соопштија денеска од Црвениот крст.

Во соработка со Високиот комесаријат за бегалци (УНХЦР), Црвениот крст на двата гранични премини активно вклучен на терен 24 часа со 9 мобилни тима во поддршката на мигрантите кои транзитираат низ нашата земја.

Во тимовите има 135 лица, се составени од вработени, лекари и пaрамедици, членови и волонтери на Црвениот крст, кои се обучени за работа во Службата за барање на изчезнати лица при Црвениот крст.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.