Давутоглу: Во експлозиите во Анкара загинаа најмалку 95 луѓе

Во двојниот самоубиствен напад во Анкара загинаа најмалку 95 луѓе, соопшти синоќа турскиот премиер Ахмет Давутоглу.

Тој наведе дека тоа е напад со најголем број на жртви во историјата на Турција при што се повредени 246 лица од кои 48 се во критична состојба.

Во меѓувреме во Истанбул околу 10.000 луѓе протестираа поради инцидентот во Анкара. Некои од демонстрантите носеа транспаренти „Државата е убиец“ и „Знаеме кои се убиците“.

Турските власти тврдат дека вчерашните напади во Анкара се дело на терористички организации.

Протести имаше и во други турски градови, вклучително и во Измир, во Батман, во Дијабекир. Во Дијабекир полицијата употреби солзавец за растурање на демонстрантите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.