САД зачудени: Од каде им на џихадистите толку „тојоти‟

Во пропагандните снимки на Исламската држава се гледаат голем број автомобили на „Тојота“, вториот по големина производител на светот, а најчесто тоа се теренски возила или пикапи.

Американските антитерористички лидери побараа од „Тојота“ да објасни на кој начин голем број од нивните автомобили завршиле во рацете на ИД.

Од „Тојота“ одговорија дека не знаат на кој начин ИД дошла до овие автомобили, нагласувајки дека ја поддржуваат истрагата на американските лидери за да се спречи „доброто од Западот да заврши во рацете на терористите“.

– Ние ги запознавме дистрибутерите на „Тојота“ на Блискиот Исток со ова, но и со процедурата во која „Тојота“ е должна да го штити интегритетот на дистрибутерите, вели директорот на „Тојота“ за јавна политика и комуникации, Ед Луис.

– Тојота има стриктна политика да не продава возила на потенцијални купувачи кои можат да ги користат или да ги модифицираат за паравоени или терористички активности, рече Луис, додавајќи дека компанија нема можност да ги следи возилата кои се украдени или се препродадени со помош на посредници.

Автомобилите на „Тојота“, на видео снимките на кампањите на ИД во Ирак, Сирија и Либан натоварени со тешко вооружување од чии кабини ѕиркаат терористи.

Иранскиот амбасадор во САД вели дека верува оти терористите, покрај старите камиони, стекнале илјадници нови автомобили на „Тојота“ во последните неколку години.

– Тоа е прашање кое им го поставив на нашите соседи, како и на кој начин стигнале во рацете на ИД и од каде доаѓааат, вели амбасадорот.

Пропагандните снимки на ИД покажуваат како терористите патролираат по улиците на Сирија во стари и нови возила „тојота“.

Додека преминуваат во Либија во долгите каравани блескаат нови „тојота ленд“. Во колоните може да се види дека повеќе од две третини од овие автомобили директно потекнуваат од фабриката на „Тојота“, а освен нив, во помал број има и „Мицубиши“, „Хјундаи“ и „Исузу“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.