Проникнувањето на радикалниот ислам на Балканот опасно за сите земји

Српскиот амбасадор во Москва Славенко Терзиќ го оцени како „крајно актуелно“ прашањето за проникнувањето на радикалниот ислам на Балканот заедно со приливот на имигранти од Блискиот Исток и Северна Африка, јави ТАСС.

Терзиќ истакна дека илегалните имигранти се голем тест за Европа и за целиот свет, а Србија е непосредна жртва на бегалскиот бран.

Тој истакна дека во последните четири месеци во Србија пристигнале 200.000 имигранти, кои претставуваат „социјалноекономски предизвик“, со кој Белград не може да се справи сам.

– Прашањето треба да се реши на европско ниво. Унгарија постави ограда, а откако и Хрватска ја затвори границата, во Србија се појавија економски потешкотии. Прашањето со имигрантите треба да се реши итно и со заеднички напори, рече амбасадорот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.