Најмалку едно лице е загинато, а девет се повредени синоќа на патот Врање-Прешево, околу 22.30 часот во судир на камион и на автобус, кој пренесувал емигранти.
Во несреќата животот го загубила жена од Блискиот Исток.
Од деветте патници, едно лице е тешко повредено, а осум се полесно повредени, пренесува „РТС“. Сите се пренесени во болницата во Врање.
Несреќата се случила кога камион со македонски регистарски таблички, управуван од македонски државјанин, се судрил со автобус од Лесковац, кој емигрантите ги пренесувал од Прешево кон Врање и Белград.
Приведен е возачот на автобусот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
