76.000 Срби бараат унгарско државјанство

Повеќе од 76.000 државјани на Србија поднеле барање за унгарски пасош, објавија унгарските власти.

За добивање право на унгарско државјанство услов е подносителите на барањето да зборуваат унгарски јазик и нивните предци пред 1920 година или меѓу 1938 и 1945 година да биле државјани на Унгарија.

Според порталот „Војводина денес“, најмногу молби стигнале од државјаните на Романија 283.866, а на второ место се Србите со 76.652 барања. Трета е Украина со 50.658.
Откако Унгарија ја олеснила процедурата за добивање државјанство, поднесени се 422 илјади молби, а биле доделени 340 илјади нови државјанства.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.