Милионери без скршен долар: Познати за кои не знаевте дека банкротирале

Терминот банкрот настанал од  италијанската синтагма банка ротта, што значи скршена (скапана) клупа. Пред настанокот на модерното банкарство, клиентите својот ред во банките го чекале на долги клупи на кои со парички го врежувале своето место во случај да мора од некоја причина да излезат од банката. Значењето што се крие зад оваа синтагма е очигледно – кој седи на скапана клупа, тој пропаѓа.

Постои легенда што настанала во 15 век во Италија, кога речиси секој град–држава имал своја валута. Клупите во менувачниците, според приказните, се кршеле кога банкарот ќе останел без пари и оттаму тој назив.

Погледнете кои личности барем еднаш во животот седеле на скапана клупа.

Оскар Вајлд

Познатиот писател и поет Оскар Вајлд  банкротирал во 1885 година, откако ја загубил парницата за клевета, која ја покренал против маркизата Квинсбери, откако го обвинила за содомија. Маркизата била ослободена од обвинението, поради што Вајлд морал да ги плати трошоците за судењето и за одбраната. Тоа го однесе до банкрот, а голем број вредни  предмети што биле во негова сопственост ги дал на продажба, а ги загубил и авторските права на некои негови дела.

Абрахам Линколн

Пред да стане 16. претседател на САД, Линколн доживеал банкрот како резултат на пропаст на амбициозен бизнис-план. Неколку дуќани што биле во негова сопственост пропаднале во 1932 година, поради што морал да ги продаде своите работни простории, но ниту тоа не било доволно да ги покрие долговите. Во тоа време немало закони што ги штителе луѓето во случај на банкрот, па на суд го загубил и последното што го поседувал – коњ и алат. Линколн ги отплатувал долговите сѐ до 1840 година.

Синди Лопер

Додека нејзината кариера сè уште немаше замав, Синди поднела барање за банкрот предизвикано со распадот на нејзината група „Блу ејџел“. Некое време морала да настапува во јапонски ресторан облечена како гејша. Сепак, нејзиниот менаџер  успеал да издејствува договор со издавачка куќа по што набргу станала ѕвезда.

Берт Ренолдс

Познати американски актер банкротирал  во 1996 година, кога загубил 40 милиони долари поради разводот со Лони Андерсон. Покрај тоа, Ренолдс бил обврзан 10 години да го издржува синот Квинтон, а неговата ситуација дополнително ја отежнал сметководителот, кој исчезнал со 15 милиони долари. Но среќата не го напуштила. Следувале неколку филмови со кои го повратил богатството.

МС Хамер

Голема ѕвезда на деведесеттите МС  Хамер заработил  повеќе од 33 милиони долари за време на екот на кариерата, но благодарение на стилот на животот што го живеел и сѐ послабата продажба на албумите, не само  што банкротирал, туку и останал во долгови од повеќе од 13 милиони долари.

Лери Кинг

Легендата на американското новинарство Лери Кинг денес е вреден 150 милиони долари. Сепак, Кинг не бил отсекогаш така добро ситуиран. За време на шеесеттите додека сѐ уште работел на радио, Кинг сакал да ужива, а трошел и повеќе од што имал. Следуваше скандал за евентуална кражба по кој бил отпуштен од радиото, а во 1978 година поднел барање за банкрот. Истата година, Кинг добил понуда да води забавна емисија, која ќе стане популарна како „Лери Кинг во живо“.

Доналд Трамп

Американскиот бизнисмен и претседателскиот кандидат, чиешто богатство се проценува на околу четири милијарди долари, поднесе барање на банкрот дури четири пати – 1991 година, 1992 година, 2004 година и 2009 година. Сепак, тоа е корпоративен банкрот, а не личен, што значи дека неговите финансии не претрпеле тежок удар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.