Профилната фотографија на „Фејсбук“ веќе нема да биде иста. Во низата промени што ги воведе оваа социјална мрежа, профилната фотографија ќе може во иднина да биде кратко видео, кое се повторува, а ќе се активира штом некој го отвори вашиот профил, односно ГИФ.
Од „Фејсбук“ објавија дека мобилните прикази на таа социјална мрежа ќе доживеат големи промени, вклучувајќи профилни видеа, привремени фотографии и нови можности со кои корисниците ќе може да контролираат што може другите да видат на нивниот профил.
Профилното видео, како што го нарекуваат од „Фејсбук“, ќе им овозможи на луѓето профилните фотографии да ги сменат со кратко видео што се повторува. Тоа ќе биде видливо само на „Фејсбук“ на мобилниот, како и другите нови промени.
Корисниците, освен тоа, ќе може да креираат и „привремена верзија“ на профилна фотографија, која ќе се смени во фотографија која била порано во време кое вие ќе го наведете.
Корисниците ќе може да ги сменат и информациите што се појавуваат на нивните профили. Новата команда овозможува да одберете кои лични податоци сакаат да се појавуваат на врвот на страницата, а ќе се додаде и рубрика „био“ во која ќе може да напишете кратка порака за себе.
Направени се и некои помали промени врзани за изгледот на профилот, па така куќичката со фотографии и пријателите ќе се најде малку повисоко. Профилната фотографија, односно ГИФ, ќе се најде на средина на страницата, а не од страна. Повторуваме, така ќе изгледа само во приказот на мобилните телефони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
