Светските лидери на состанокот на ОН јаделе храна „од ѓубре“

Состанокот на Обединетите нации (ОН) во неделата го одбележа ручекот со светски познати готвачи, со цел да се истакне проблемот со фрлање храна.

– Тоа е типичен американски оброк, но сосема поинаку подготвен. Наместо јунешко, ќе јадеме пченка со која се хранат кравите. Предизвик е да се направи нешто повкусно од нешто што инаку би го фрлиле – изјави познатиот готвач од Њујорк, Ден Барбер, кој помогна во осмислување на менито.

– Нашиот ручек е подготовен од храна која би завршила во ѓубре, храна која би емитирала метан и на тој начин би ја загадила атмосферата – изјави Бан Ки Мун, генерален секретар на ОН.

Светските лидери за предјадење добиле „Салата депонија“ направена од отфрлени јаболка и крушки, со прелив од течноста од лименки со леблебија. Лебот бил од житарки кои обично ги фрлаат пиварниците.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.