Во Њујорк средба Кери-Лавров

Американскиот државен секретар Џон Кери се сретна со рускиот министер за надворешни работи Сергеј Лавров во Њујорк, јави ТАСС.

Кери по средбата изјави дека од суштинско значење е да се координираат сите напори против групацијата Исламска држава на Блискиот Исток, но посочи дека тоа се уште не се случило.

Кери беше замолен да го коментира денеска објавеното од Ирак создавање на центар за координирање на разузнавачките активности во борбата против ИД, во кој ќе бидат обединетите Ирак, Сирија, Иран и Русија.

Кери посочи дека е неопходно да се оцени какво ќе биде влијанието на таа иницијатива.

Тој истакна дека прашањето ќе биде разгледано на средбата на американскиот претседател Барак Обама и рускиот претседател Владимир Путин.

Лавров истакна дека целта на создавањето на координативен центар меѓу Русија, Ирак, Иран и Сирија во Багдад е координирање на напорите во борбата против ИД.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.