Карачиќ: Во Вардар сме како семејство

Централниот бек на Вардар Игор Карачиќ во интервју за веб страната на Европската ракометна федерација (ЕХФ) изјави дека во македонскиот шампион владее тимски дух и целата екипа е како едно семејство.

– Има единство кое е совршено. Тренираме заедно, постојано сме заедно, секогаш има шегување, ние сме едноставно како едно семејство. А тренерот Раул е посебен. Тој е тактичар од врвна класа и тој е заслужен што јас ја кренав мојата игра на уште повисоко ниво. Тој е најдобриот со којшто сум работел, вели Карачиќ.

За денешниот дуел со ПИК Сегед, хрватскиот интернационалец очекува победа во убава атмосфера.

– Арената „Јане Сандански“ е нашиот дом и сите уживаме во атмосферата која ја создаваат нашите навивачи. Сигурен сум дека во Сегед се свесни за тоа и сигурно ќе им биде тешко цел меч, вели Карачиќ.

Натпреварот Вардар – ПИК Сегед од 2.коло во Лигата на шампионите почнува во 17 часот и 30 минути.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.