Од Гевгелија за Табановце вчера заминале околу 4.400 мигранти

Според евиденцијата на УНХЦР и Меѓународниот Црвен крст вчера од прифатниот камп во Гевгелија за Табановце заминале околу 4.400, што повторно е зголемување на бројот во споредба на минатите неколку дена.

Благото покачување на бројот на мигрантите кои транзитираат низ земјава, не предизвика проблеми во функционирањето на службите за нивно прифаќање, сместување и евидентирање кои имаат голема помош од активисти на многу невладини организации и здруженија на граѓани.

Според податоците на Меѓународниот Црвен крст, нивните активисти вчера поделиле 420 пакети со храна, 85 пакети вода, 23 ќебиња, 480 кабаници за дожд од УНХЦР, 4 пакети за бебиња, 5 пакети бисквити и 3 пакети памперс пелени. Медицинските екипи интервенирале 300 пати без потреба од пренесување на пациентите до болницата во Гевгелија. и

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.