Миро Церар: Мигрантската рута ја заоструваат состојбата во Западен Балкан

Споровите меѓу државите за рутата по која минуваат бегалците може да ја заострат ситуацијата во регионот на Западен Балкан и во поширокиот регион, изјави словенечкиот премиер Миро Церар по завршувањето на вонредниот самит на ЕУ во Брисел.

Церар нагласува дека е познато оти Балканот моментно не е доволно стабилен за да издржи такви ситуации.

– Затоа е многу важно посебно внимание да се посвети на Балканот и поширокиот регион, да им се помогне, па и финансиски и тоа посебно го истакнав во расправата, изјави Церар.

Тој вели дека го известил и претседателот на ЕК, Жан Клод Јункер за потенцијалната криза со бегалците врз поширокиот регион.

– Предупредив дека треба повеќе да се направи да не дојде до поголеми тензии меѓу Хрватска и Србија и да им се помага на државите што не се во ЕУ, но добро соработуваат, истакна Церар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.