Викенд со сонце

Иако нема да имаме идеално сончев викенд, сепак нема да имаме многу простор да се пожалиме на времето овие два слободни дена што се пред нас.

Според Метеопро в сабота рано наутро сѐ уште ќе има умерена облачност во поголем дел од земјата, особено источниот. Но, тенденцијата ќе оди кон намалување на облачноста и подолги сончеви периоди во текот на денот. Ќе дува слаб ветер, претежно од северен и од северозападен превец.

Температурата ќе има максимална вредност околу 24 степени во повардарскиот регион, околу 22 во Пелагонија и Полог, до 20 во повисокиот дел од истокот, како и во охридско-преспанскиот крај.

Недела во однос на сабота ќе биде посвежа за „степен до два“. Можно е сосема слабо да „пророси“ во повисоките делови на крајниот запад, како и во малешевскиот регион.

Повеќе на Метеопро

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.