Бугарски новинар загина во страшна сообраќајка, колегите се борат за живот (ФОТО)

Во тешка сообраќајна несреќа која се случила утрово кај бугарскиот град Ловеч, животот го загуби еден новинар од бугарската новинска агенција БГНЕС, а двајца негови колеги се во болница и во тешка здравствена состојба, јавуваат бугарските медиуми.

Поради несреќата, агенцијата соопшти дека денес нема да објавува вести.

Сообраќајката се случила на патот Софија – Варна на крстосница близу градот Ловеч. Се судриле два автомобила – во едниот биле тројца новинари, кои биле повредени и веднаш пренесени во болницата во Ловеч, но за жал еден таму починал, а другите двајца се во тешка состојба. Возачот на другиот автомобил бил полесно повреден.

Новинарите биле на службен пат за Трново, од каде требало да известуваат од прославата на Денот на независноста.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.