Хрватскиот министер за внатрешни работи Ранко Остојиќ изјави денеска дека граничните премини кон Србија, освен Бајаково, ќе останат затворени се додека Србија не ја промени политиката, според која бегалците ги пренасочува само кон Хрватска.
Остојиќ нагласи дека главна причина за одлуката за затворање на граничните премини е политиката на Белград кон бегалците.
– Отворен е граничниот премин Хоргош, но тие и понатаму сите бегалци го насочуваат кон Хрватска. Сакаме тоа да се промени, изјави Остојиќ, пренесува „Вечерњи лист“.
Технички граничните премини може да се отворат за еден час, но претходно Србија мора да ја промени политиката со која бегалците ги насочува само кон Хрватска, истакна Остојиќ.
Досега во Хрватска влегле речиси 30.000 бегалци, според податоците на Министерството за внатрешни работи на Хрватска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Мигранти зеле дрва за огрев од затворено кафуле во Грција и оставиле 10 евра
-
Мексико ќе ги депортира мигрантите кои насилно се обиделе да влезат во САД
-
Мигрантите го пробија кордонот во БиХ и се упатија кон хрватската граница (видео)
-
Војници на АРМ стрелале во воздух на границата со Грција за да спречат нелегално минување на мигранти
