Дали сте знаеле…

Освен за некој квиз или за да се правите важни пред пријателите, овие факти веројатно нема многу да ви значат во животот, но сепак се интересни да се знаат.

Дали знаете дека… :

– Ајфеловата кула е поставена како привремена конструкција по повод Светската изложба во 1889 година.

– Литар морска вода во просек е за 25 грама потешка од иста количина слатка вода.

– Мачките можат да произведат над 100 гласовни звуци, а кучињата само девет.

– Гепардот е единствена мачка на светот која не може да ги вовлече канџите.

– Најстариот парламент на светот е исландскиот Алтинг кој постои од 930 година.

– Зборот смог е кованица настаната од англискиот збор smoke (дим) и fog (магла).

– На црнците од филмската екипа која го снимила филмот Однесено со виорот, расните закони на државата Џорџија им забраниле да присуствуваат на премиерата на овој филм во Атланта во 1939 година.

– Лондонскиот весник Тајмс во 1816 година валцерот го прогласил за неморална игра.

– Огнот побрзо се шири нагоре кон планините, отколку надолу по нив.

– Во секоја мешунка на грав има 7 или 8 зрна.

– Најголема измерена длабочина во Европа околу 93 метри има Дунав, на местото Мали казан во Ѓердапската клисура.

– Полицијата на германските автопатишта казнува и за бавно возење.

– Народот Варплпири од Јужна Австралија не користи бројки и во јазикот нема збор за нив. Бројот децата го опишуваат со зборот многу, а далечината со песни.

– Многу луѓе и денес кога го пишуваат бројот 7 преку него ставаат цртичка што не е правилно.

– Делтиолог е човек кој собира и проучува разгледници.

– Аман главниот град на Јордан во 3 век п.н.е. се викал Филаделфија според основачот египетскиот крал Птоломеј втори Филаделфу.

– Естрада е дел од просторот издигнат за една или повеќе скали над подот.

– Жабите биле први животни кои почнале да испуштаат гласови.

– Помфритот или француски компирчиња, настанале во Белгија.

– Нинтендо произведувал карти за играње пред да почне да произведува видео игри.

– Египќанките се први жени кои носеле долна облека.

– До својата 20 година, просечен човек од Западот гледа повеќе од милион ТВ реклами.

– Жените во просек дvojno повеќе трепкаат од мажите.

– Лавот од најавната шпица од филмското студио MGM се викал Волни и живеел во зоолошка градина во Мемфис.

– Најстарата мачка на светот по име Пус, умрела во 1939 година во длабока старост. Имала 36 години и еден ден.

– Кафето првпат се појавило околу 1000 година. Во почетокот се користело само како лек, а дури подоцна во арапските и персиските земји почнало да се пие за уживање.

– Зборот мафија намерно е изоставен од сценариото за филмот Кум.

– Гризли може да трча брзо како просечен коњ.

– СОС во 1908 година е избран за знак за помош во Морзовата азбука затоа што буквите С и О се најлесни за памтење и бележење. С е точка точка точка, а О како цртичка цртичка цртичка.

– Многу хрчаци трепкаат само на едно око.

– Точките од светлина кои ги гледаме кога ги трламе очите се викаат фосфени.

– Влезот во пештера во која мечката ја поминува зимата секогаш е на северната страна.

– Кикириките се зеленчук.

– Кога ќе се посее семе на кафе, потребни се пет годни растението да порасне за да можат плодовите да се користат.

– Мажјаците мајмуни ја губат косата на главата на ист начин на кој тоа се случува на човекот.

– Кечапот настанал во Кина.

– Изразот за слободни професионалци freelancer (слободно копје) потекнува од витезите наемници, кои не биле подредени на ниту еден господар.

– Во Канада има повеќе продавници за крофни, отколку во која  било друга земја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.