Запрашан зошто како млад маж не останал во Сирија, да се бори и да се обиде да изгради подобра иднина, Милад одоговорил дека тоа не е едноставна работа кога бомби ви летаат над глава, кога слушате пукање и кога не можете да пронајдете работа и пари за живот.
– Мислам, војната уништува сè во државата. Се борите, се борите и борите, и потоа сакате да си одите. Чекате две или три години и ништо не се променило. Како да го поднесете тоа? – вели тој.
Тој вели дека не е во Европа за да ужива во бенефициите.
– Секако, ми недостасува домот, нема место како што е дома. Доколку условите се подобрат, многу Сиријци, не само јас, ќе се вратат во Сирија – тврди тој.
На прашањето зошто Сиријците не одат во богатиот Дубаи, нема одговор, бидејќи не станува збор за нивен избор.
– Прашајте ги владите во Арапскиот Залив. Немам одговор. Многу Сиријци повеќе би сакале да одат во арапските земји бидејќи тоа се развиени земји, имаат пари и се зборува арапски. Но, тие ни ги затворија вратите. Треба да ги прашате нив – вели Милад.
Многумина тврдат дека колоните со бегалци се полни со мажи, додека жени и деца има помалку.
– Има многу жени и деца бегалци, но на мажите им е полесно да ја напуштат Сирија. Покрај тоа, жените и децата не ги регрутираат во војска. Мажите не сакаат да се борат за или против режимот на Асад – одговара Сириецот.
На прашањето каков човек може да го остави семејството во воена зона, Милад исто така има одговор.
– Не е лесно да се одлучиш да го напуштиш домот и работата. Јас сум млад. Немам куќа и имам време да барам друга работа и место за живот. Но, мојот татко, на пример, кој има 60 години, не може да се одлучи да остави сè. Си замина по две години, не кога и јас, туку откако сфати дека ништо не е променето и дека сè оди на полошо – вели тој.
Остатокот од прашањата и неговите одговори можете да ги прочитате ТУКА.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
