Во МКЦ на 16 септември, среда, со почеток во 21 часот, составот „Проект Орфеј“ ќе одржи концертна промоција на деби албумот „Shaping The Static“.
„Проект Орфеј“, прототипското дело на Давид Димовски, е една интроспективна, еклектична колекција на музичарот, уметник, автор, активист и студент на англиската литература, што на еден деликатен начин емоционално и интелектуално ги поттикнува и ги разбранува слушателите преку невообичаените сценарија низ кои ги води музиката и наративите на проектот.
Албумот изобилува со раскошни илустрации на иновативен звучен декор, овозможувајќи низ него да се воспостави тоа што Давид го нарекува „еден разоткриен тек на нештата“, односно чувство на едно скоро нерафинирано отелотворение на инспирација, кое цути низ целиот опус.
Цената на билетите е 200 денари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
