Амбасадата на Србија во Либија, после интензивното проверување на веста дека во таа земја е киднапиран еден српски лекар, не доби никакви назнаки дека такво нешто се случило, изјави за Танјуг, амбасадор на Србија во Триполи, Оливер Потежица.
– После веста дека во Либија бил киднапиран лекар од Србија, Амбасадата добила податоци дека станува збор за максилофацијален хирург и веднаш презела интензивни чекори напроверка на тие информации, но се утврдило дека нема знаци дека некој лекар во Триполи е киднапиран, рече Потежица.
Подоцна се појави друга информација, дека наводно е киднапиран некој наш лекар во близина на болница во место 50 километри југозападно од Триполи.
– Презедовме чекори и тоа да го провериме нема ниту еден, според нашите информации, српски работник кој работи во таа болница, а според информациите од медицинскиот персонал од истата болница, нашиот последен работник кој работел во неа си заминал пред два месеци, додадоа од Амбасадата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
