Германската национална железничка компанија „Дојче бан“ ја информира јавноста дека утринава повторно е обновено, но само делумно, движењето на возовите од Австрија за Германија, информираа француските медиуми.
-Како што беше предвидено, движењето на возовите беше обновено во 7 часот по локално време, изјави портпаролката на „Дојче бан“.
Главната железничка линија Салцбург-Минхен, меѓутоа, на почетокот останува затворена заради присуство на луѓе на шините на делницата меѓу австрискиот град Салцбург и германскиот пограничен град Фрајласинг. Портпаролката не прецизираше дали станува збор за бегалци, забележаа БТА.
Движењето на патничките возови беше во прекин 12 часа, а движењето на товарните возови, исто така, вчера беше запрено од 18 до 22,30 часот.
Австриските федерални железници соопштија дека го воспоставија сообраќајот на нивните возови за Германија, но патниците ги предупредија дека треба да очекуваат проверка на личните документи од страна на германските власти, пренесе ДПА.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Мигранти зеле дрва за огрев од затворено кафуле во Грција и оставиле 10 евра
-
Австрија ги отвора вратите за Македонците: Бара келнери, сметководители, ѕидари, касапи
-
Мексико ќе ги депортира мигрантите кои насилно се обиделе да влезат во САД
-
Мигрантите го пробија кордонот во БиХ и се упатија кон хрватската граница (видео)
