Бројот на загинати мигранти кај Фармакониси се искачи на десет

Брод, со кој патувале најмалку 100 имигранти се преврте источно од грчкиот остров Фармакониси. Десет лица, вклучувајќи и едно дете, загинаа, соопшти грчката крајбрежна стража, пренесува ТАСС..

Крајбрежната стража спасила 68 лица, а други 29 успеале сами да стигнат до брегот.

Продолжува потрагата по патници од превртениот брод. Во моментов на местото на несреќата се наоѓаат спасувачки хеликоптер и брод на крајбрежната стража.

Според податоците на Меѓународната организација за миграција бројот на имигрантите, кои дошле во Европа преку Средоземното Море од почетокот на годината е над 350 илјади луѓе. Главниот дел од нив пристигнале преку Грција – околу 218.000, следат Италија – околу 114.000, Шпанија – околу 2000 и Малта – 94 лица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.