МЗТ Скопје со победа ги заврши настапите во Романија

Кошаркарите на МЗТ Скопје Аеродром со победа го завршија настапот на меѓународниот турнир во Орадеа, Романија.

Македонскиот шампион попладнево ја совлада Алба Фехервар со 68:61. Иако „металците“ на овој турнир настапуваа ослабени без репрезентативците Дамјан Стојановски, Марко Симоновски и Љубомир Младеновски, сепак, се прикажаа во добро светло.

На денешниот натпревар најефикасни кошаркари во составот на МЗТ Скопје Аеродром беа Душко Буниќ и Ѓорѓе Дреновац, кои постигнаа по 13 поени, а Данило Мијатовиќ беше стрелец на 10 поени.

Претходно МЗТ во првото коло го совлада Интер Братислава, а во второто загуби од домаќинот Орадеа по продолжение.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.