Честитка од претседателот на СДСМ, Зоран Заев, по повод Еврејската Нова година – Рош Хашана

Претседателот на СДСМ, Зоран Заев, по повод Еврејската Нова година испрати честитка до претседателката на Еврејската заедница во Р. Македонија, Берта Романо Николиќ во којашто се вели:

„На Вас и на сите припадници на еврејската заедница кои живеат во Република Македонија, во име на Социјалдемократскиот Сојуз на Македонија и во мое лично име ви ја честитам Новата 5776 година.

Рош Хашана нека биде нов почеток на еден поспокоен и посреќен живот во добро здравје и мир во вашите срца и вашите семејства.

Македонија ја има шансата да биде горда на соживотот помеѓу граѓаните од различни вери и националности и сите заедно ја имаме обврската да ги негуваме и развиваме тие врски, во духот на меѓусебно почитување и толеранција.

Еврејската заедница претставува неделив дел од општеството, којашто несебично придонесува кон развој на овие вредности.

Престојните празнични денови прославете ги во радост согласно вашата вековна традиција.“

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.