Во Кина доктори се подготуваат за првото пресадување на глава

Италијанско-кинески тим планира да ја изведе првата трансплантација на глава во Кина, изјави еден од хирурзите.

Рен Сјаопинг кој се надева дека со италијанскиот колега Серџо Канаверо ќе ја изведат таа операција за две години, вели дека за сега се оди по планот. Ако секој чекор пред операцијата оди глатко, ќе биде изведена во 2017 година, рекол Сјаопинг. За операцијата се пријавил Русинот Валериј Спиридонов кој пати од ВердингХофманова болест поради која е неподвижен.

Рен вели дека хируршкиот зафат без преседан би требало да се изврши во медицинскиот универзитет во Харбин. Тој не сакаше да каже од каде ќе биде набавено телото за оваа комплексна процедура. Инаку високата побарувачка за органи во Кина и хронично нискиот број на донатори ги направија осудениците на смрт во затворите главни извори на органи. Кина забрани трговија со човечки органи во 2007 година, но поради големата потреба за трансплантации во оваа земја цвета нелегалната продажба и присилните донации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.