Македонија може да ги извезува сите производи од говедско месо во Европската унија, соопшти денеска директорот на Агенцијата за храна и ветеринарство Зоран Поповски.
Одговарајќи на новинарски прашања по посетата на МИК Свети Николе, Поповски нагласи дека до крајот на годинава се очекува да биде овозможен и извозот на сите производи од риба.
Во однос на свинското месо, додаде, засега во ЕУ Македонија може да извезува само конзервни производи.
– Агенцијата за храна и ветеринарство организира состаноци со преработувачите и кланичната индустрија за да ги запознае со можностите да аплицираат и да се најдат на листата извозници во ЕУ, истакна директорот Поповски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
