„Јапан тајмс“ со специјален текст за независноста на Македонија

Во најтиражниот весник на англиски јазик во Јапонија „Јапан Тајмс“ денеска е објавен специјален текст по повод независноста на Република Македонија.

„Јапан Тајмс“ излегува и се распространува заедно со New York Times International во преку 38 земји.

Како што соопшти Амбасада на Република Македонија во Јапонија, ова е прв пат овој весник да објави текст за Република Македонија, во позитивна светлина и во пресрет на нашиот голем национален празник.

Во текстот честитка упати првиот резидентен амбасадор на РМ во Јапонија Андријана Цветковиќ, сумирајќи ги односите меѓу двете земји и најавувајќи нова фаза на културно и економско партнерство помеѓу Јапонија и Македонија во годините кои следуваат. Исто така честитајќи им го празникот на сите Македоници, се обраќа и претседателот на јапонско македонското друштво за пријателство Фумио Фуруја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.