Селекторот на хрваттската фудбалска репрезентација Нико Ковач по двата катастрофални резултати во квалификациите за Европското првенство, во кои „коцкестите“ најпрвин одиграа нерешено во Азербејџан (0-0) и доживеаја непријатен пораз од Норвешка синоќа (2-0) по се изгледа ќе ја заврши работата на селекторското место порано од предвиденото.
Од првото место на табелата, за само четири дена Хрватите паднаа на третата позиција и сега зависат и од резултатите на другите селекции во последните две кола од квалификациите.
Ковач покрај лошите резултати, влезе и во конфликт со најголемите хрватски фудбалски ѕвезди кои ги набеди дека тие се криви за лошите резултати.
Хрватските медиуми веќе почнаа да шпекулираат со можните наследници на Ковач, но јасно е дека на претседателот на федерацијата Давор Шукер ќе му биде многу тешко во моментов да најде соодветен заменик имајќи предвид дека се работи за крај на квалификацискиот циклус, а сите квалитети тренери од Хрватска веќе се ангажирани. Нема да биде чудо ако за дуелите против Бугарија и Малта идниот месец биде договорен актуелниот тренер на Динамо, Зоран Мамиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
