„Што носеше Али?“ – моден блог посветен на 83-годишен дотеран Турчин

Модниот блог „Што носеше Али?“, кој е посветен на стилот на дотеран дедо, придобива сè поголем број обожаватели.

Секој ден, точно во 9 часот и 5 минути, старец дотеран од глава до петици поминувал покрај работното место на австралиската фотографката Зое Спотон во Берлин.

Неговото чувство за стил и елегантниот изглед ја шармирале доволно за да почне да го фотографира и да го документира неговиот избор на облека. Така се родил блогот „Што носеше Али?“.

Али е 83-годишен татко на 18 деца по потекло од Турција, кој 44 години живее во Берлин. Тој е пензиониран доктор, но сега работи како кројач, па најголем дел од костумите што ги носи се негови креации.

Поради јазичната бариера, Зое и Али потешко комуницираат, но таа успеала со помош на „Гугл“ да му објасни дека луѓето може да почнат да го препознаваат поради славата стекната на интернет.

Никогаш не е доцна за мода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.